Paytaxt məktəblərində ağacəkmə aksiyaları keçirilir.

Bakı Şəhəri üzrə Təhsil İdarəsindən Axar.az-a verilən məlumata görə, idarənin tabeliyindəki ümumi təhsil müəssisələrinin müəllim və şagirdləri ağacəkmə aksiyalarında iştirak edirlər. Əsas məqsəd ətraf mühitin mühafizəsi, təbiətin qorunması, şagirdlərdə təbiətə qayğı hissinin gücləndirilməsi, məktəblərin həyətyanı sahələrinin səmərəli istifadəsi və yaşıllaşdırılmasından ibarətdir.

Aksiyalar zamanı ümumi təhsil müəssisələrinin həyətyanı sahələrində müxtəlif növ ağaclar əkilir, bitkilərə aqrotexniki qulluq göstərilir.

Məktəblərdə ağacəkmə aksiyalarının payız-qış mövsümündə davam etdirilməsi nəzərdə tutulur.