Avropa Mühafizəkarlar və İslahatçılar Alyansının prezidenti Yan Zahradil Azərbaycana səfərə gəlib.

Axar.az xəbər verir ki, o, Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevlə görüşüb. Görüşdən sonra Zahradil BAXCP sədri Qüdrət Həsənquliyev, Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin üzvü, millət vəkili Cavanşir Feyziyevlə birgə Şəhidlər Xiyabanını ziyarət edib.

Milli Məclisin sədri Oktay Əsədov da Avropa Mühafizəkarlar və İslahatçılar Alyansının prezidenti Yan Zahradili qəbul edib. Onun Azərbaycan Xarici İşlər Nazirliyində görüş keçirəcəyi gözlənilir.

Qeyd edək ki, Avropa Mühafizəkarlar və İslahatçılar Alyansı Avropanın sağ mərkəzçi siyasi partiyalarının ittifaqıdır və özündə 29 ölkədən 33 siyasi partiyanı birləşdirir.