Sumqayıt şəhər İcra Hakimiyyətinin başçısı Zakir Fərəcov Azərbaycanda ilk dəfə olaraq Sumqayıtda yaradılmış lift xidmətinin İntellektual İdarəetmə Mərkəzi ilə tanış olub.

Bu barədə Axar.az-a Sumqayıt Şəhər İcra Hakimiyyətindən məlumat verilib.

Bildirilir ki, icra başçısının tapşırığına uyğun olaraq, yeni yaradılan intelektual idarəetmə sistemi vasitəsilə liftlərin dayanması, dayanma səbəbləri, idarəetmə stansiyasında olan ötürücülərin vəziyyəti, gərginlik kəsilən anda fasiləsiz enerji mənbəyinin qoşulması, kabinədən birbaşa danışıq əlaqəsi sisteminin (dinamik və mikrofon) vəziyyəti, kənar şəxslərin maşın zalına icazəsiz daxil olması, sakinlər tərəfindən liftlərin istismarı qaydalarının pozulması haqqında məlumatlar xüsusi avadanlıqlar vasitəsi ilə onlayn rejimdə mərkəzləşdirilmiş intelektual idarəetmə mərkəzinə ötürülür. Eləcə də liftin kabinəsı və maşın zalı ilə Mərkəzləşmiş Dispetçer Xidmətinin (MDX) birbaşa danışıq əlaqəsi, liftin kabinəsində əvvəlcədən yazılmış məlumat mətninin səsləndirilməsi təmin edilir.

Bu istiqamətdə quraşdırma işləri ilk olaraq pilot layihə kimi şəhərin 18-ci mikrorayon ərazisində aparılıb, test-sınaq işləri uğurla aparılıb.

Qeyd edək ki, fevralın 21-də Sumqayıt şəhərində, 47-ci məhəllədə binalardan birinin liftinin qırılması nəticəsində 3 nəfər ağır xəsarət almışdı.