“Hədəf” Nəşrlərinin təsis etdiyi “Ustad” ədəbiyyat və sənət dərgisinin 21-ci buraxılışı işıq üzü görüb.

Kult.az xəbər verir ki, yeni tərtibatda nəşr olunan dərgidə Alxan Bayramoğlunun “H.Cavidin fikir və sənət dünyası”, Nizami Hüseynovun “Bakıdan şimala doğru ədəbiyyat”, Səbuhi Şahmursoyun “Mütaliənin əlavə təsiri”, Ceylan Mumoğlunun ”Məntiqi” novella, yoxsa “detektiv” əsər?”, Kənan Hacının “Oruell və Köstler. Kommunizm: tezis, anti-tezis” məqalələri və başqa yazılar yer alıb.

Dərginin müsahibi bu yaxınlarda 60 illik yubileyini qeyd edən Əməkdar artist, teatr və kino aktyoru, ssenarist Vidadi Həsənovdur.

Ədəbiyyat və sənət həvəskarları “Ustad”ın yeni – 21-ci sayını kitabevim.az mağazalar şəbəkəsi və “Hədəf” nəşriyyatından əldə edə bilərlər.