Nizami rayonu Mikayıl Əliyev küçəsində hərəkət bu gün səhər saatlarından etibarən aparılan təmir-tikinti işləri ilə əlaqədar tam məhdudlaşdırılıb.

Azəryolservis ASC-dən Axar.az-a verilən məlumata görə, nəqliyyat vasitələrinin hərəkətinin tam olaraq məhdudlaşdırılması Mikayıl Əliyev küçəsinin Mehdi Abbasov və Rüstəm Rüstəmov küçələri arasında olan hissəsində aparılır. Həmin kəsişmələrdə yerləşən dairələrdə nəqliyyat vasitələrinin hərəkətində hər-hansı bir məhdudiyyət olmayacaq.

Sürücülərə alternativ olaraq Qara Qarayev prospekti və Bəkir Çobanzadə küçələrindən istifadə etmələri tövsiyə olunur.