Ana səhifə Toplum |
Bundan sonra AZAL-ın Bakı-Nyu York-Bakı müntəzəm reyslərini Boinq 787-8 Drimlayner ("Boeing-787-8") yerinə yetirəcək.
Azərbaycan Hava Yolları QSC-dən Axar.az-a verilən məlumata görə, sözügedən təyyarələr noyabrın 7-dən etibarən uçuşa başlayacaq.
Boinq 787-8 Drimlayner müasir hava gəmilərindən biridir və ən son texniki yenilikləri özündə birləşdirir. Yeni texnologiyaların tətbiqi sayəsində təyyarə ən yüksək təhlükəsizlik tələblərinə cavab verir və istismar üçün sərfəlidir.
Bu reysin sərnişinlərinə 3 xidmət sinfi - Ekonom sinfi üzrə 157 yer, Biznes sinfi üzrə 35 yer və Birinci sinif standartlarına cavab verən Lüks sinfi üzrə isə 18 yer təklif olunacaq.
AZAL-ın bu təyyarəsi artıq transatlantik test uçuşu həyata keçirib və bu xəttin istismarı üçün bütün zəruri icazələri alıb.
Qeyd edək ki, Bakı-Nyu York-Bakı müntəzəm reysləri həftədə iki dəfə olmaqla bazar ertəsi və şənbə günləri yerinə yetirilir. Təyyarə Bakıdan səhər saat 6-da yola düşür və Kennedi hava Limanına yerli vaxtla saat 9:30 çatır. Əks istiqamətdə uçuşlar elə həmin günlər saat 11:30 yerinə yetirilir.
Tarix
2015.11.06 / 11:49
|
Müəllif
Nigar İxtiyarqızı
|