Azərbaycan Dil Qurumu İctimai Birliyi Bakıda növbəti monitorinq aparıb.

Axar.az xəbər verir ki, paytaxtın bir neçə prospekt və küçəsində aparılan monitorinq zamanı iaşə və xidmət obyektləri adlarının, o cümlədən elan və xəbərdarlıq lövhələrinin yazılışında qüsurlar aşkar olunub.

Monitorinq paytaxtın Rəşid Behbudov, Azadlıq prospekti və Xaqani küçəsində keçirilib.

Qeyd edək ki, Azərbaycan Prezidenti İlham Əliyevin 2013-cü il aprelin 9-da imzaladığı sərəncamla "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı" təsdiqlənsə və bu yöndə monitorinqlər aparılsa da, sözügedən yanlışlıqların aradan qaldırılması istiqamətində müvafiq qurumlar operativ tədbirlər görmür. Nəticədə dövlət dilinin tələblərinin addımbaşı pozulduğu müşahidə edilir.

Bununla bağlı Azərbaycan Dil Qurumu İctimai Birliyi ardıcıl monitorinqlərə qərar verib. Bundan əvvəl Bakının Mirəli Seyidov, Puşkin, Dilarə Əliyeva, Şəmsi Bədəlbəyli küçələrində, habelə Hüseyn Cavid və Azadlıq prospektlərində, o cümlədən Fəvvarələr meydanında monitorinq aparılmışdı.

Monitorinq zamanı obyekt adlarının yazılışında orfoqrafiq qaydaların pozulması hallarını əks etdirən fotolardan bəzilərini təqdim edirik: