13:48

Bakının Sabunçu rayonu, Bilgəh qəsəbəsində yerləşən "Qağayı" Gənclər Düşərgəsində dəhşətli faciə baş verib.

Axar.az xəbər verir ki, sosial şəbəkələrdə yayılan videoda adıçəkilən ərazidə söküntü işləri aparılan zaman iri boru orada olan şəxslərdən birinin üzərinə düşüb. Həmin şəxs hadisə yerindəcə keçinib. Onun Dövlət Əmlak Komitəsinin əməkdaşı olduğu iddia edilir.

Sabunçu Rayon Polis İdarəsinin 12-ci polis bölməsindən Axar.az-a bildirilib ki, hadisə yeni baş verib:

"Hadisə barədə polis bölməsinə bu dəqiqələrdə məlumat daxil olub. Operativ qrup dərhal hadisə yerinə göndərilib".

***

Saytımıza daxil olan son məlumata əsasən üzərinə boru düşməsi nəticəsində həlak olan şəxs Füzuli rayon sakinidir. Onun üç övladı var.