Qış mövsümündə istifadə edilən şinlərin yay aylarında da istifadə edilməsi maşına ziyandır.

Axar.az xəbər verir ki, mütəxəssislər soyuq aylarda avtomobilinə qış şini taxdıran sürücülərə təhlükə ilə bağlı xəbərdarlıq edib.

Onlar bildirib ki, qış şininin yayda istifadə edilməsi həm avtomobilə ziyan vurur, həm də qəza riskini artırır. Çünki qış şinləri yüksək sürət üçün nəzərdə tutulmayıb. Belə şinlərin istifadəsi zamanı maşının maksimum surəti saatda 80 km olmalıdır.

Avtomobil ustaları bildirir ki, belə şinlər soyuq hava üçün nəzərdə tutulduğuna görə isti havalarda onların partlama təhlükəsi var. Bu da qəza riskini artırır və böyük təhlükə yaradır.