Bu gün Bakı 2015 İlk Avropa Oyunları çərçivəsində kişilər arasında kamandan oxatma üzrə yarışların 1/32 final görüşləri başlayıb.

Axar.az xəbər verir ki, Azərbaycanı bu yarışlarda Roman Vengerov, Taras Senyuk və Aleksey Kopnin təmsil edəcək.

İlk təmsilçimiz saat 11:36-da yarışa qatılacaq. Rusiyalı Bair Tsibekdorjiyevlə qarşılaşacaq Aleksey Kopnin reytinq mərhələsini 301 xalla 57-ci yerdə tamamlamışdı.

Reytinq mərhələsində 328 xalla 45-ci olan Taras Senyuk lüksemburqlu Ceff Henke llə üz-üzə gələcək. Rəqiblərin mübarizəsi saat 14:26-da başlayacaq.

314 xalla 50-ci olan Roman Vengerovun rəqibi isə fransalı Lukas Danieldir. Saat 15:44-də hədəf önünə keçəcək idmançılar qalibi müəyyənləşdirəcək.

Qeyd edək ki, 1/16 final mərhələsi iyunun 22-də keçiriləcək.

11:51

Tofiq Bəhrəmov adına Respublika Stadionunda kamandan oxatma üzrə 1/32 final mərhələsində kişilərin fərdi yarışı başlayıb.

Azərbaycan təmsilçisi Aleksey Kopnin ilə Rusiya oxatanı Bair Tsybekdorzhiev qarşılaşıb. Saat 11:36-da başlayan yarışda 2 hissədə hesab bərabər olsa da, rusiyalı idmançı sonda 6-2 hesabı ilə qalib gəlib.

15:13

Kamandan oxatma üzrə kişilər arasında fərdi 1/32 seçmə mərhələsində daha bir Azərbaycan təmsilçisi çıxış edib.

Saat 14:26-da başlayan görüşdə oxatanımız Taras Senyuk Lüksemburq təmsilçisi Cef Henkels ilə yarışıb. 4 hissədə rəqibi ilə bərabər hesabda irəliləyən təmsilçimiz sonda Lüksemburq oxatanından 2 xal geriləyib. Görüş 6:4 C.Henkelsin qələbəsi ilə başa çatıb.

16:05

Roman Vengerov fransalı Lukas Danielə 0:6 (0:2, 0:2, 0:2) hesabı ilə uduzub.