Türkiyənin Daxili İşlər Nazirliyi sosial mediada vətəndaşlar arasında ayrıseçkiliyə səbəb olan paylaşmaların olduğunu qeyd edib.

Axar.az xəbər verir ki, nazirlik belə paylaşmaların təxribat xarakterli olduğunu və həqiqəti əks etdirmədiyini bildirib:

"Sosial mediada bəzi paylaşmalarda vətəndaşlar arasında ayrıseçkiliyə səbəb olacaq mesajlar verilir. Edilən və bənzəri olmayan bu paylaşmalar təxribat xarakterli olub, həqiqəti əks elətdirmir. Cəmiyyətimizdə fəsad törətməyə və xalqımızı ayırmağa yönələn bu cür paylaşmalara etibar edilməməsini qətiyyətlə xahiş edirik".

Sosial mediadakı qarışıqlığın qaynağı araşdırıldıqdan sonra İstanbul Təhlükəsizlik müdirliyi də informasiya yayımlayıb:

"Sosial mediada və dedi-qoduçular arasında əsassız xəbərlər dolaşır. Bu dəqiqə heç bir hərbi birlikdə dövlət və millət əleyhinə hərəkət yoxdur və vəziyyət nəzarət altındadır. Bu cür əsassız informasiyalara qətiyyən etibar eləməyin və əsassız olduğunu bilin".