Xəbər verdiyimiz kimi, Rusiya lideri Vladimir Putin Andrey Belousovu müdafiə naziri vəzifəsinə təklif edib.

Axar.az xəbər verir ki, Belousov əvvəlki hökumətdə Baş nazirin birinci müavini vəzifəsində çalışırdı.

17 mart 1959-cu il təvəllüdlü Belousov Rusiya Təbiət Elmləri Akademiyasının müxbir üzvü, Rusiya Elmlər Akademiyasının Milli İqtisadi Proqnozlaşdırma İnstitutunun elmi və dissertasiya şuralarının üzvü, iqtisad elmləri doktoru, əməkdar iqtisadçısıdır. Rusiya Federasiyasının 1-ci dərəcəli dövlət müşaviri vəzifəsini icra edən (2011) olub.

Rusiya Dəmir Yolları SC-nin Direktorlar Şurasının sədri, 2012-2013-cü illərdə iqtisadi inkişaf naziri, 2013-2020-ci illərdə Prezidentin iqtisadi məsələlər üzrə köməkçisi işləyib.

2020-ci il 30 aprel-19 may tarixlərində - Mişustin koronovirusdan müalicə alarkən - Rusiya Federasiyası Hökumətinin sədrinin səlahiyyətlərini icra edib.