10 ildən artıqdır ki, sənət sahəsində fəal çalışan və əsərləri həm Azərbaycanda, həm də xaricdə, o cümlədən İtaliya, Dubay və Luvr Muzeyi kimi nüfuzlu məkanlarda nümayiş etdirilən Leyla Qurbanova bu dəfə öz tələbələri ilə birlikdə ilk dəfə Azərbaycan Milli Xalça Muzeyində “Birlikdə yaradılan dünya” adlı sərgi keçirib.

Kult.az xəbər verir ki, sərgi bu gün baş tutub.

Sərginin əsas ideyası emalatxanada tələbələrlə birgə qurulan özəl, rəngarəng və yaradıcı dünyanı başqaları ilə bölüşmək olub.

Həmçinin sərginin həm fərdi yaradıcılığı, həm də kollektiv sənət baxışını əks etdirmək baxımından özəl əhəmiyyət daşıdığı da bildirilib.

Sərgidə Nuray Həsənova, Məryəm Aslanova, Kamilla Səttarova, Nur Əkpərli, Gülər Məmmədova, Əkbər Əzizov, Gülər Şirinova, Ləman Eybətova və Ayla Əskərova iştirak edib.