Azərbaycan Mərkəzi Seçki Komissiyasının (MSK) sədri Məzahir Pənahov referendumda səs verib.

Report xəbər verir ki, MSK sədri və xanımı 10 saylı Binəqədi II seçki dairəsinin 31 saylı məntəqəsində səs verib.

M.Pənahov jurnalistlərə açıqlamasında bildirib ki, bu saata qədər MSK-ya seçkiyə kölgə sala biləcək ciddi qanun pozuntusu ilə bağlı rəsmi müraciət daxil olmayıb:

"Qaynar xətti"miz də daim açıqdır. Müşahidəçilər də yerlərdə sərbəst şəkildə müşahidə apara biliblər. Seçici fəallığı çox yüksəkdir. Bu da sevindiricidir. Bu fəallıq şəhərdə daha çoxdur. Adətən şəhərdə əyalətlərlə müqayisədə müəyyən qədər az olur. Lakin əvvəlki illərlə müqayisədə fəallıq var".