BAXCP hər zaman açıq şəkildə bəyan edib ki, Dağlıq Qarabağı Rusiya işğal edib və bütün danışıqlar də Ermənistanla deyil, Rusiya ilə aparılmalıdır. Lavrovun ötəngünkü açıqlaması da bir daha bunu sübut etdi.

Bu sözləri Axar.az-a açıqlamasında BAXCP sədrinin müavini Niyaməddin Orduxanlı bildirib. O qeyd edib ki, Rusiya Xarici İşlər naziri Sergey Lavrovun “Dağlıq Qarabağ münaqişəsi sırf Azərbaycanın daxili işlərinə aid deyil” fikirləri beynəlxalq hüquqa ziddir:

“Necə yəni Azərbaycanın daxili işlərinə aid deyil? BMT Təhlükəsizlik Şurasının Qarabağla bağlı 4 qətnaməsi var. Elə Rusiya BMT-nin Təhlükəsizlik Şurasının üzvü kimi 4 qətnamənin qəbul olunmasına səs verib. Bütün dünya Qarabağı Azərbaycanın ərazısı kimi tanıyır və dəstəkləyir. Bu, bizim birbaşa hüququmuzdur ki, işğal olunmuş ərazilərimizi işğaldan azad edək. Beynəlxalq hüquq da bizim tərəfimizdədir“.

Niyaməddin Orduxanlı Sergey Lavrovun daim Ermənistanın maraqlarından çıxış etdiyini də xatırladıb: “Lavrovu bu bəyanatına həm rəsmilərimiz, həm ictimaiyyət - QHT-lər, siyasi təşkilatlar, partiyalar, fəallar, bütölükdə xalqımız etiraz etməlidir. Onsuz da Lavrovu Azəraycan cəmiyyəti ermənilərlə qan qohumu olan siyasətçi kimi tanıyır. Və onun bu bəyanatı cəmiyyətimiz üçün gözlənilən idi. Ancaq Azərbaycan xalqı öz torpağını azad etmək hüququna sahibdir və bu. Dəfələrlə ən yüksək beynəlxalq kürsülərdən elan edilib. Aprel döyüşləri də göstərdi ki, bizim xalq öz torpağını azad etmək üçün hər an hazırdır“.