Şanlıurfada, Harran qəsəbəsində "Qardaşlıq süfrəsi iftarı" mərasimində Türkiyə Prezidenti Rəcəb Tayyib Ərdoğan azərbaycanlı jurnalistlərlə görüşüb.

Hazırda Türkiyədə səfərdə olan Avropa.info saytının baş redaktoru Ruslan Bəşirlinin Axar.az-a verdiyi məlumata görə, azərbaycanlı nümayəndə heyətinə Ərdoğanla görüş imkanı yaradılıb.

“Ərdoğan azərbaycanlı jurnalistlərlə görüşündə mesaj da verdi, bildirdi ki, Azərbaycanın haqlı Qarabağ davasında Türkiyə hər zaman yanınızdadır. Daha sonra Rəcəb Tayyib Ərdoğanın çıxışı oldu”, - R.Bəşirli bildirib.

Qeyd edək ki, Türkiyə hökumətinin dəvəti ilə Azərbaycanın bir qrup media təmsilçisi Türkiyədə səfərdədir. Səfər sabah başa çatacaq.