Əgər hər birimiz bayramı keçirmək imkanı olmayan bir ailəyə dəstək olsaq, hər ailədə bayram bayram dadında keçər.

Axar.az xəbər verir ki, bu sözləri millət vəkili Qənirə Paşayeva Qurban bayramı ilə bağlı paylaşdığı təbrikində bildirib.

“Bütün müsəlman dünyasının Qurban bayramı mübarək olsun! Bayramı sevdiklərinizlə birlikdə keçirə bilməyi, dualarınızın qəbul olunmasını diləyirik. Ən əsası, əgər hər birimiz bayramı bayram kimi keçirmək imkanı olmayan bir ailəyə dəstək olsaq, hər ailədə bayram bayram dadında keçər. Ən gözəl duyğu mərhəmətdir, unutmayaq!

Allah gələn il Qurban bayramını gözəl Şuşada və inşallah, işğaldan azad edəcəyimiz bütün gözəl torpaqlarımızda keçirə bilməyi hamımıza nəsib etsin”, - millət vəkili qeyd edib.