Axar.az
Yuxarı

ABŞ Suriyadan çıxır: Ərdoğan zərbəyə hazırlaşır – İsti şərh

Ana səhifə Gündəm
12 Punto 14 Punto 16 Punto 18 Punto

Suriya ABŞ Prezidenti Donald Tramp üçün artıq yük idi. Ona görə də qərar verdi ki, ABŞ qoşunları Suriyanı tərk etsin. Halbuki, son günlərə qədər Pentaqon Suriyadan çıxmayacağını bəyan edirdi. Görünür, amerikalı generallar Trampı inandıra bilmədi.

Axar.az xəbər verir ki, bu sözləri politoloq Elxan Şahinoğlu ABŞ ordusunun Suriyadan çıxması barədə qərara münasibətində deyib. O bildirib ki, belə qərarın veriləcəyindən Türkiyə Prezidenti Rəcəb Tayyib Ərdoğan məlumatlı idi:

“Əks halda Ərdoğan, “Türkiyə ordusu Fəratın şərqinə növbəti hücuma başlayacaq” deməzdi. Çünki ABŞ hərbi birlikləri məhz Fəratın şərqindədir. Yəni Türkiyə ordusu hazırki şərtlər daxilində hücuma keçsəydi, NATO müttəfiqi ilə üz-üzə qalacaqdı”.

Politoloq ABŞ-ın bölgədə kürdlər üçün hər hansı təhlükəsizlik təminatı əldə etməyə çalışması fikrinə də münasibət bildirib:

“Bu təminatı PKK uzantıları olan YPG və PYD-yə kim verə bilər ki?!”

Politoloq bildirib ki, ABŞ-ın bölgədə boşalan yerini Türkiyə, Rusiya, ya da Bəşər Əsəd gücləri dolduracaq:

“Məlumdur ki, ABŞ-dan əvvəl YPG və PYD ilə Moskva təmaslara başlamışdı. Ərdoğan vaxtında vurulan təyyarəyə görə rusiyalı həmkarı Vladimir Putindən üzr istəməsəydi, bəlkə də bu gün Rusiya tamamilə PYD və YPG-nin arxasında idi. Ancaq ABŞ Rusiyanı qabaqladı. İndi Rusiya ABŞ-ın yerinə kürd qruplarla əlaqəyə girəcəkmi? Əgər bunu edərsə, Moskvanın Ankara ilə münasibətləri gərginləşdirmiş olacaq. Ona görə Kreml tələsik qərar verməyəcək”.

Politoloq radikal kürdlərin kiminlə əməkdaşlığa üstünlük verəcəklərinə də münasibət bildirib:

“ABŞ onları qoruyurdu, indi isə arxasızdırlar. Demək, kiminləsə müttəfiqliyə çalışmalıdırlar. PYD və YPG böyük ehtimalla Əsədlə razılaşmağa çalışacaq. Ancaq bunun özü də Ankaranı rahatlatmayacaq. Nə qədər ki PYD və YPG PKK-nın törəmələridir, Türkiyə onlardan əl çəkən deyil”.

Tarix
2018.12.19 / 23:55
Müəllif
Firuzə Vahidqızı
Şərhlər
Digər xəbərlər

Ermənistan bugünkü itkilərinin sayını açıqladı

Erməni əsgərlər: O qədər sürətlidirlər ki, bacarmırıq - Video

Əsgər çatışmır: Paşinyan elə tapşırıq verdi ki...

Ordumuz BMT qətnaməsini və 51-ci bəndi icra edir

Paşinyan xislətini göstərdi: Sülh yolu mümkün deyil

İrəvan Putini hədələdi: Nikolay kimi ailəsi ilə birgə... - Şok

Qriqoryan Qarabağdan qaçdı: “ağır vəziyyətdədir...”

Ermənistan niyə KTMT-yə müraciət etmir? – İrəvan açıqladı

Bakılı Lisovetsdən Qarabağ açıqlaması

Kasapoğlu: Bakı istəsə, Ermənistanın "ürəy"ini vurar - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla