Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Yanvar 2019


Prezident islahat anonsu verdi: İstefalar, yerdəyişmələr...

Ana səhifə Gündəm
12 Punto 14 Punto 16 Punto 18 Punto

2019-cu ildə Azərbaycanın sürətli addımlarla irəliyə doğru getməsi üçün çox işlər görüləcək.

Bu sözləri Axar.az-a açıqlamasında sabiq dövlət müşaviri Qabil Hüseynli deyib. O bildirib ki, 2018-ci il Azərbaycan üçün çox uğurlu olub:

“Ölkə başçısı da bu uğuru göstərən sübutlar gətirdi. 2018-ci ildə Azərbaycan özünün əsas problemi olan Dağlıq Qarabağ münaqişəsinin həlli istiqamətində səylərini gücləndirib. Bu istiqamətdə beynəlxalq ictimai rəyin güclü dəstəyinə nail olub. Demək olar ki, dünyanın əksər gücləri, aparıcı beynəlxalq təşkilatları Dağlıq Qarabağ probleminin Azərbaycanın ərazi bütövlüyü çərçivəsində həll edilməsini dəstəkləyir. Prezident qeyd etdi ki, ermənilər heç bir illüziyaya qapılmamalı və bilməlidirlər ki, Azərbaycanın ərazi bütövlüyünü axıra qədər qoruyacağıq”.

Politoloq qeyd edib ki, prezident iqtisadiyyatın inkişafı ilə bağlı da bir sıra faktlar sadaladı:

“Ölkə başçısının da dediyi kimi, bu illərdə Azərbaycanda real sektorun - ağır sənaye sahələrinin yaradılması və bunun xüsusilə regionlarda inkişafına dəstək artırılıb. İlham Əliyev xüsusilə Mingəçevir, Neftçala, Gəncə və Naxçıvan şəhərlərinin adlarını çəkdi və bildirdi ki, bu bölgələrdə maşınqayırma sənayesi sahələrinə diqqət yetirilir və bir sıra yeni sənaye sahələri yaradılıb. Bunların içərisində avtomobilqayırma sənayesi xüsusilə diqqətçəkicidir. Digər tərəfdən ölkədə qeyri-neft sektorunun inkişafı xüsusilə nəzərə çarpır. Artıq ölkədə üzümçülük, pambıqçılıq, tərəvəzçilik və digər sahələr sürətlə inkişaf etdirilir. Bu sahədə diqqətçəkən nailiyyətlər əldə edilir. Ölkədə yaşayan insanların maddi rifah halının yüksəldilməsi ilə bağlı da fikirlər səsləndirib və bildirib ki, əmək haqlarında, pensiyalarda ciddi artım var. Bu xətt davam etdiriləcək”.

Politoloq vurğulayıb ki, prezidentin çıxışının canını ölkədə struktur islahatlarının həyata keçirilməsi təşkil edir:

“Ölkə başçısı bir daha bəyan etdi ki, ciddi struktur islahatları keçirməyə hazırlaşırıq. Bu islahatlar nəticəsində yığcam, daha az vəsaitlə daha böyük göstəricilərə nail olan idarəetmə sistemi yaratmaq fikrindəyik. Prezident onun da anonsunu verdi ki, bir sıra məmurların yerdəyişməsi və yaxud da istefaya göndərilməsi bu fonda labüd olacaq”.

Tarix
2019.01.12 / 13:21
Müəllif
Firuzə Vahidqızı
Şərhlər
Загрузка...
Digər xəbərlər

Prezidentin bu qurumu ləğv etməsinin - Səbəbi

Bu görüş Qarabağla bağlı ümidimizi artırır - Gəncəliyev

Ad günündə geri çağırılan səfirimiz kimin oğludur? – Dosye

Bakı bununla mühüm nailiyyətlər əldə edə bildi - Deputat

Fərəh Əliyeva sədr təyin edildi, Qarayev müavin oldu - Fərman

İlham Əliyev Nikola Sarkozini qəbul etdi - Foto

Gizir hazırlığı kursuna qəbul olmaq istəyənlərin - Nəzərinə

Yazda Qarabağda müharibə başlayacaq – Ermənistandan şok

İslahatların yeni mərhələsi başladı: Bu qurumlar birləşə bilər

Nazirliyin ləğvi səbəbi: “Azərsilah” buna görə yaradıldı

KULT
<>
Xəbər xətti
 
Axar.az'da reklam Bağla
Reklam
Bize yazin Bağla