Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Fevral 2019


Bakıda İran inqilabı ilə bağlı rəsmi qəbul keçirildi - Foto

Ana səhifə Gündəm
12 Punto 14 Punto 16 Punto 18 Punto

Fevralın 11-də İranın Azərbaycandakı səfirliyi ölkənin milli bayramı – İslam İnqilabının 40-cı ildönümü münasibətilə rəsmi qəbul təşkil edib.

Axar.az xəbər verir ki, əvvəlcə Azərbaycanın və İranın dövlət himnləri səsləndirilib.

Səfir Cavad Cahangirzadə İranın inqilabdan ötən 40 ildə keçdiyi inkişaf yolundan danışıb, bu müddətdə müxtəlif uğurların qazanıldığını diqqətə çatdırıb. Səfir bildirib ki, İran İslam Respublikası ötən müddətdə regional sabitlik amili kimi çıxış edib.

Ölkələrimiz arasındakı münasibətlərdən danışan diplomat deyib ki, İran ilə Azərbaycan arasındakı dostluq və qardaşlığa əsaslanan əlaqələr gündən-günə inkişaf edir. Dövlət başçılarının səmimi münasibətləri iki ölkə arasında əməkdaşlığın genişləndirilməsi üçün möhkəm dayaq olub. C.Cahangirzadə deyib ki, iki qardaş xalq arasında çoxşaxəli əməkdaşlıqlar, qırılmaz tellər yaratmışıq. Son illər ölkələrimiz arasında qarşılıqlı turist mübadiləsinin artması ölkələrimiz arasındakı dostluğun nəticəsidir.

Azərbaycanın iqtisadiyyat naziri Şahin Mustafayev əlamətdar gün münasibətilə İran xalqını Azərbaycan hökuməti adından təbrik edib. Azərbaycan və İran xalqlarını ortaq mənəvi dəyərlərin birləşdirdiyini deyən nazir qeyd edib ki, ölkələrimiz arasında əlaqələr bu gün ən yüksək səviyyəyə qalxıb. Dövlətlərimizin başçılarının son beş ildə 12 dəfə görüşməsi əlaqələrimizin inkişafına ən yüksək səviyyədə verilən böyük önəmin göstəricisidir.

İkitərəfli əməkdaşlığın möhkəm müqavilə-hüquq bazasının yaradıldığını vurğulayan Ş.Mustafayev bildirib ki, indiyədək 150-dən artıq sənəd, o cümlədən iqtisadi sahədə bir sıra mühüm sənədlər imzalanıb. 2018-ci ildə Xəzər dənizinin hüquqi statusu haqqında Konvensiyanın və Xəzəryanı dövlətlər arasında ticarət-iqtisadi əməkdaşlıq haqqında Sazişin imzalanması ölkələrimiz arasında çoxtərəfli formatda da əməkdaşlığın genişləndiyini göstərir. Əlaqələrin inkişafında Hökumətlərarası Konvensiyanın və parlamentlərarası işçi qruplarının da mühüm rolu var. Cari ilin martında Azərbaycanda keçiriləcək Komissiyanın 13-cü iclası zamanı da səmərəli müzakirələr aparılacaq, yeni razılıqlar əldə ediləcək.

Ticarət əlaqələrinin inkişafından danışan Ş.Mustafayev qeyd edib ki, 2017-ci illə müqayisədə ötən il qarşılıqlı ticarət dövriyyəsi təqribən 74 faiz artıb. Əlaqələrimizin daha da genişlənməsi məqsədilə hər iki ölkənin paytaxtında, eləcə də regionlarında iş adamlarının iştirakı ilə müntəzəm görüşlər, biznes forumlar, sərgilər və digər işgüzar tədbirlər keçirilir. İranın ölkəmizə yatırdığı 3,4 milyard dollar investisiyanın 3,3 milyard dolları neft sektoruna, 120 milyon dolları isə qeyri-neft sektoruna yönəldilib. Azərbaycanda xidmət, rabitə, ticarət, sənaye, tikinti, bank və sığorta, nəqliyyat və digər sahələrdə minə yaxın İran şirkəti fəaliyyət göstərir. Ötən il Neftçala Sənaye Məhəlləsində açılışı həyata keçirilmiş “Xəzər” avtomobil zavodunun uğurlu fəaliyyəti səmərəli investisiya tərəfdaşlığının bariz nümunəsi olmaqla yeni layihələrin həyata keçirilməsinə əlverişli zəmin yaradır.

Nazir vurğulayıb ki, ölkələrimiz arasında əlaqələrin əsas istiqamətlərindən biri də nəqliyyat-tranzit əməkdaşlığıdır. Bu gün böyük əhəmiyyətə malik Şimal-Cənub Beynəlxalq Nəqliyyat Dəhlizi layihəsinin reallaşdırılması üçün mühüm addımlar atılır. Azərbaycan bu layihə üzrə öz ərazisində müvafiq infrastrukturun yaradılması işini uğurla tamamlayıb, eyni zamanda, İran ərazisində bu istiqamətdə görülən işlərə dəstək verir.

İki ölkə arasında turizm sahəsində artan əməkdaşlığı xüsusilə qeyd edən nazir bildirib ki, İrandan Azərbaycana səfər etmiş turistlərin sayında dəfələrlə artım müşahidə olunub. “ASAN viza” vasitəsilə viza alan əcnəbilərin sayına görə İran vətəndaşları ön sıralardadır.

Tədbirdə rəsmi şəxslər, Milli Məclisin deputatları, xarici ölkələrin Azərbaycandakı səfirləri və ictimaiyyətin nümayəndələri iştirak ediblər.

Tarix
2019.02.11 / 22:30
Müəllif
Axar.az
Şərhlər
Загрузка...
Digər xəbərlər

Abbasov “Bakını vurmaq” təklifi edəni Zatulinəcən qovdu - Video

Elmar Məmmədyarov kanslerin məsləhətçisi ilə görüşdü - Foto

Kadırovdan azərbaycanlı-çeçen insidenti ilə bağlı göstəriş

Şeyxdən davaya müdaxilə: Tərəflər bir masa arxasında

"Neolit"dəki hadisəni şişirtmək doğru deyil - Məhəmmədov

Rusiyada universitet binası uçdu: 21 nəfər dağıntılar altında - Foto

Azərbaycanlı və çeçenlərlə bağlı yalan xəbərlər... - Səfirlik

Tanınmış din xadimi "Neolit"dəki insidentdən danışdı - Video

Çeçenlərlə münasibətləri heç kəs sarsıda bilməz - Professor

Bu ölkədən Bakıya aviareys açılır?

KULT
<>
Xəbər xətti
 
Axar.az'da reklam Bağla
Reklam
Bize yazin Bağla