"Azərbaycan Gürcüstanın ərazi bütövlüyünü tanıyır".

Bu sözləri Axar.az-a açıqlamasında millət vəkili Asim Mollazadə söyləyib.

O, Bakının heç bir zaman bu bölgələri tanımayacağını bildirib:

"Azərbaycanın mövqeyi bu istiqamətdə birmənalıdır. Xarici İşlər Nazirliyimizin də dəfələrlə bəyanatı olub ki, Azərbaycan Gürcüstanın ərazi bütövlüyünü tanıyır və beynəlxalq hüququn prinsiplərini üstün tutaraq qeyri-qanuni yaradılmış bölgələri heç bir halda tanımayacaq. Bu bölgələr tərəfimizdən Gürcüstanın tərkib hissəsi kimi qəbul edilir".

Qeyd edək ki, dünən Abxaziya ilə Rusiya arasında strateji tərəfdaşlıq və müttəfiqlik haqqında müqavilə imzalanıb. Müqaviləyə əsasən, rus qoşunlarının Abxaziya ərazisində yerləşdirilməsi qanuniləşdirilib.