Ana səhifə Gündəm |
Neftin qiymətinin düşməsi üzündən "Rosneft" iflasa uğramayacaq.
Axar.az RİA Novosti-yə istinadla bildirir ki, Rusiya Baş nazirinin müavini Arkadi Dvorkoviçin sözlərinə görə, dövlət şirkətin investisiya layihələrinə maliyyə dəstəyi məsələsini müzakirə edir.
"Hətta neftin qiymətinin aşağı olduğu hallarda belə "Rosneft"in hasilatı və satışı çox böyük həcmdə olur. Neqativ hal yalnız investisiya proqramının kiçik həcmi ilə bağlıdır, maliyyə problemləri ilə deyil. Sadəcə olaraq, əlverişli vəziyyətlərdəki kimi yüksək hasilat olmayacaq, ancaq bunda qorxulu heç nə yoxdur", - Dvorkobiç "Vedomosti" qəzetinə verdiyi intervüdə açıqlayıb.
Baş nazirin müavini əlavə edib ki, əgər şirkətin maliyyə imkanları layihələri gerçəkləşdirməyə imkan verməzsə, bir qədər ləngimələr ola bilər, ancaq bunda heç bir fəlakət yoxdur.
Tarix
2014.12.22 / 11:38
|
Müəllif
Təhminə C.B.
|