Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
28 Yanvar 2020


Novruzovun ittiham etdiyi 3 nazir kimdir? - Açıqlama

Ana səhifə Gündəm
12 Punto 14 Punto 16 Punto 18 Punto

Milli Məclisin İctimai birliklər və dini qurumlar Komitəsinin sədri, YAP-ın İcra katibinin müavini Siyavuş Novruzov bəzi sabiq nazirlərin vəzifədən uzaqlaşdıqdan sonra qeybə çəkildiyini bildirib. O, YAP-ın Siyasi Şurasının və İdarə Heyətinin üzvü olan bəzi keçmiş nazirlərin bu partiya ilə əlaqə saxlamadıqlarını bildirib.

Axar.az YAP-ın İdarə Heyəti və Siyasi Şurasının üzvləri arasında bir vaxtlar nazir olmuş şəxslərin adlarını müəyyənləşdirib.

Onlar arasında 2004-cü ildən 2013-cü ilə kimi Respublikanın kənd təsərrüfatı naziri vəzifəsində çalışan İsmət Abbasovun, 1998-ci ildən 2013-cü ilə kimi təhsil naziri olan Misir Mərdanovun və 2001-ci ildən 2018-ci ilədək ekologiya və təbii sərvətlər naziri olan Hüseynqulu Bağırovun adına rast gəlmək olar.

Bəs görəsən, onlardan hansıları vəzifədən azad edildikdən sonra YAP-ın tədbirlərində iştirak etməyib?

Məsələ ilə bağlı sabiq təhsil naziri Misir Mərdanovla əlaqə saxlasaq da, o zənglərimizi cavabsız qoyub.

Sabiq ekologiya və təbii sərvətlər naziri Hüseynqulu Bağırov isə bildirib ki, indi də YAP-ın tədbirlərində iştirak edir və üzvlük haqlarını lazımi səviyyədə yerinə yetirir:

“Tədbirlərdə iştirak və üzvlük haqları ilə bağlı vaxtı ilə Mübariz Qurbanlı ilə əlaqə saxlamışam. Dəvət olunduğum bütün tədbirlərdə iştirak edirəm. Öz xahişimlə Yasamal rayon təşkilatından (Nazirliyin yerləşdiyi rayon) Səbail rayon təşkilatına keçmişəm və üzvlük haqlarını da əvvəlki səviyyədə ödəməkdəyəm. Ümumiyyətlə isə tədbirlərdə iştirakla və rəhbərliyi dəstəkləməklə bağlı məsələlərdə hələ 90-cı illərdə, YAP üzvü olmadığım dövrdə də aktiv olmuşam. Hələ o zaman prezident seçkilərində Ulu öndər Heydər Əliyevin tərəfindən müəyyən edilən və təyin edilən etibarlı şəxs kimi (vəkil) bütün tədbirlərdə iştirak etmişəm. Heç kəsdən təlimat almadan şikayətçilərlə görüş və sair işlərdə aktiv olmuşam”.

Keçmiş kənd təsərrüfatı naziri İsmət Abbasovla isə əlaqə saxlamaq mümkün olmadı.

Tarix
2019.09.09 / 15:57
Müəllif
Nərmin Əkbərli
Şərhlər
Digər xəbərlər

Əgər Belarusun yenidən ehtiyacı yaranarsa... - İlham Əliyev

Rüstəmxanlıdan neftçalalılara: Problemləri tək-tək... - Video

Biz bunu əsrlər boyu müşahidə edirik, sadəcə... - Prezident

Heç bir namizəd bunu edə bilməz! – İcra başçısı

Bu, müsbət haldır, çünki dünyada... - İlham Əliyev

Bu olmasa, bazarın necə reaksiya verəcəyini bilmirik - Prezident

6 rayonun təhsil şöbəsinin müdiri işdən qovuldu

Kılıçdan Azərbaycandakı parlament seçkilərinə - Reaksiya

Əgər hər hansı forsmajor vəziyyət yaranmasa... - Prezident

Azərbaycanın eks-prezidentinin səhhətində problem yarandı

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla