Ana səhifə Gündəm |
Paytaxtın Bakıxanov qəsəbəsində onlarla evin söküntüsünə başlanılıb.
Axar.az-ın söküntü gedən ərazidə olan əməkdaşına verilən məlumata görə, qanunsuz tikililər olmasına baxmayaraq, sakinlərə kompensasiya verilib və bundan sonra ərazinin abadlığına başlanılıb. "Koroğlu" stansiyasından qəsəbəyə gedən yol üstündə sökülən evlərin yerində geniş abadlıq işləri nəzərdə tutulur. Yol kənarında bütün tikililər söküləcək.
"Koroğlu" körpüsünün yaxınlığı olan massivdə gecəqondular olub. Evləri sökülən mülk sahiblərinə kompensasiya verilib və onlar mənzillərini tərk ediblər.
Müxbirimizə bildirilib ki, Avropa Yay Oyunlarına görə ərazinin sahmana salınması istiqamətində işlər davam etdirilir.
Qeyd edək ki, bu ilin yayında keçiriləcək yarışmaya qədər Ziya Bünyadov prospekti tam hazırlanıb, Olimpiya stadionunda işlər tamamlanmaq üzrədir, Böyük Şor gölü ətrafında da abadlıq aparılır.
Tarix
2015.02.02 / 14:22
|
Müəllif
Emin Aslanlı
|