Axar.az
Yuxarı

“Ermənilər bilir ki, bu, onlara baha başa gələr”

Ana səhifə Gündəm
12 Punto 14 Punto 16 Punto 18 Punto

"Ermənistanda son zamanlar anti-Rusiya əhval-ruhiyyəsi hökm sürür. İstər cəbhədəki gərginliklər, istərsə də Ermənistan Müdafiə Nazirliyindən müharibə xarakterli açıqlamalar verilməsinin özü İrəvandakı anti-Rusiya əhvali-ruhiyyəsini müharibə qorxusu ilə əvəzləmək məqsədi daşıyır".

Bu sözləri Axar.az-a açıqlamasında analitik Vüqar Zifəroğlu deyib.

O, düşmənin əl atdığı təxribatlarının arxasında bir çox gizlin məqamların dayandığını bildirib:

"Atəşkəs düşmən istiqamətindən intensiv olaraq pozulursa, bu, daxildəki diqqəti cəbhə bölgəsinə yönəltməklə ermənilər arasında qorxu hissi yaratmaqdan irəli gəlir. Çünki son zamanlar Ermənistanda rus qoşunlarının bu ölkəni tərk etməsi ilə bağlı tələblər baş qaldırıb. Aydın məsələdir ki, bu, ölkə rəhbərliyinə heç bir halda sərf etmir. Belə bir məqamda vassal funksiyasını yerinə yetirən erməni iqtidarı rus qoşunlarının ərazilərindən çıxarılmaması naminə əhalidə qorxu yaratmaq üçün indi də müharibə ritorikasına əl atıb. Çünki əks təqdirdə indikindən də acınacaqlı vəziyyətə düşə bilərlər. Bundan əlavə, rublun aşağı düşməsi erməni dramını da qiymətdən salıb. Ümumiyyətlə, 2015-ci ildə Rusiya iqtisadiyyatını çox ağır günlər gözləyir. Bu, Ermənistandan yan keçməyəcək. İkinci bir səbəb isə sosial gərginliyi də arxa planda saxlamaqdan irəli gəlir".

Analitik Ermənistan Müdafiə Nazirliyinin bu tip açıqlamalarla hələ bundan sonra da çıxış edəcəyini bildirib:

"Burada məqsəd yenə də çökən ölkənin qabaran problemlərini diqqətdən yayındırmaq olacaq. Müxtəlif avantürist hərəkətlərə yol verən ermənilərin bu günə düşmələrinin səbəbi elə özləridir. Maraqlıdır, ermənilər rus qoşunları ilə bağlı tələblərində nə dərəcədə səmimidirlər? Axı onlar da bilirlər ki, bu onlara çox baha başa gələ bilər. Azərbaycanın gücündən isə çox yaxşı xəbərdardırlar. Faktiki olaraq bu gün Azərbaycanla Ermənistan arasında Rusiya faktoru var. Bunun aradan qaldırılması nəinki torpaqlarımızı tez bir zamanda geri qazandıra, eyni zamanda, bu, bizi daha da irəli apara bilər. Buna görə də indi ermənilərin anti-Rusiya əhvalının səmimiliyi şübhə doğurmaya bilməz".

Tarix
2015.02.09 / 09:19
Müəllif
Aygün Yusibova
Şərhlər
Digər xəbərlər

Fransa İrəvanın inkişafı üçün nə edib? – Statistika

Rumın mediası Kəlbəcərin azad olunmasından yazdı

Azərbaycan zabiti çıxmağı tələb etdi, biz isə ruslara dedik

Mirzoyan: Yalnız bu halda sülh ola bilər! Bəs, Putinin hədəsi?

Şamil Ayrım: Fransadan ziddiyyətli mövqelərin səbəbi...

Rusiyadan Qarabağa növbəti heyət göndərildi

“Xristianlığın müdafiəçiləri” bunlara susur! – Mahmudov

Fransanın 8 senatoru verdikləri səsi geri götürdü

Fransanın bu addımı Bakıya açıq təhqirdir - Korotçenko

İrəvan kapitulyasiyanı qəbul edib, Fransa isə “dayanmır”

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla