Ana səhifə Gündəm |
Nəzərə almaq lazımdır ki, Azərbaycan Fransa üçün regionda önəmli bir tərəfdaşdır.
Bu sözləri politoloq İlqar Vəlizadə Fransa Prezidenti Emmanuel Makronun yanvarın 29-da Azərbaycan Respublikasının Prezidenti İlham Əliyevə telefon zəngi etməsi və Fransa-Azərbaycan münasibətləri barədə Axar.az-a danışarkən deyib. O bildirib ki, bir müddət qarşılıqlı münasibətlərdə durğunluq hiss olunsa da, hazırda Azərbaycanla Fransa arasında münasibətlər yüksək səviyyədədir:
“Düşünürəm ki, Fransa Prezidenti Emanuel Makronun son zamanlar Azərbaycana maraq göstərməsi heç də təsadüfi deyil. Ümumiyyətlə, ölkələr arasında münasibətlərə təsir edən çox amil var. Bu münasibətlərə təsir edən ən önəmli amil qarşılıqlı maraqlardır. Fransa hər il Azərbaycana kifayət qədər ciddi məbləğdə investisiya yatırır. Bunun ən bariz nümunəsi Cənub Qaz Dəhlizi layihəsinin reallaşmasında Fransanın “Total” şirkətinin göstərdiyi dəstəkdir. Digər tərəfdən Azərbaycan ilə Fransa arasında “Abşeron2 neft yatağının birgə işədilməsi kimi bir razılaşma var. Onu da deyim ki, bu layihə regionun enerji təhlükəsizliyi baxımından olduqca böyük önəm kəsb edir”.
Politoloq Fransa Prezidenti Emanuel Makronun Prezident İlham Əliyevə telefon açmasını 28-20 yanvar aralığında Qarabağla bağlı aparılan intensiv danışıqlar fonunda da qiymətləndirib:
“Təbii ki, Fransa da həmsədr ölkə olaraq münaqişənin həlli istiqamətindəki müzakirələrə öz dəstəyini hiss etdirməyə çalışır”, - deyə o bildirib.
Tarix
2020.01.31 / 08:15
|
Müəllif
Turan Rzayev
|