Yuxarı

Düşmənin vurulan avtobusu: Professor detalları açıqladı - Foto

Ana səhifə Gündəm
12 Punto 14 Punto 16 Punto 18 Punto

14:42

Ermənistan mediası guya Azərbaycan Ordusunun Vardenisdə (Qeqarkunik əyaləti) Dağlıq Qarabağ istiqamətində gələn mülki avtobusu vurduğu və xeyli insanın öldüyü haqda məlumat yayıb. Hətta məhv edilən avtobusun fotosunu da paylaşıb. Araşdırmalarım zamanı bəlli oldu ki, bu avtobus qətiyyən mülki-filan deyil.

Bu sözləri Axar.az-a açıqlamasında beynəlxalq hüquq üzrə professor, tanınmış ekspert Fərhad Mehdiyev deyib.

Fərhad Mehdiyev erməni sosial şəbəkə istifadəçisinin ötən gün paylaşdığı foto və məlumatın skrinini də redaksiyaya təqdim edib:

“Ötən gün könüllülərdən ibarət erməni gənclərin sözügedən avtobusla Qarabağa döyüşə gəldiyini əks etdirən fotoları erməni sosial şəbəkə istifadəçiləri “böyük fəxarətlə” paylaşırdılar. Bu gün isə Ermənistan mediası həmin avtobusun məhv edilməsini “mülki şəxslərə hücum” kimi qələmə verir. Halbuki burda heç bir “mülki obyektə hücum”dan söhbət gedə bilməz”.

Professor qeyd edib ki, beynəlxalq konvensiyalara əsasən, hansı obyektlərin vurulması aydın şəkildə göstərilir:

“Bura əlində silah olan və yaxud uniformadakı şəxslər, hərbi obyektlər, silah-sursat anbarları və s. aiddir. Beynəlxalq konvensiyalar mülki paltarda olan silahsız şəxslərə atəş açılmasını yasaqlayır. Ancaq indiki kontekstdə vurulan obyekt heç bir halda mülki deyil”.

F.Mehdiyev deyib ki, Azərbaycan Müdafiə Nazirliyi bununla bağlı mütləq rəsmi çağırış yaymalıdır:

“Azərbaycan Müdafiə Nazirliyi Ermənistandan Dağlıq Qarabağa heç kimin gəlməməsi üçün çağırış etməlidir. Xüsusilə qeyd olunmalıdır ki, gələn istənilən şəxs Azərbaycanın beynəlxalq hüquqla tanınan ərazilərinə soxulan, eyni zamanda Azərbaycanın ərazi bütövlüyünə qarşı savaşmaq üçün gələn könüllü olaraq qəbul ediləcək və dərhal məhv ediləcək. Yaxşı olar ki, bu müraciət rus və ingilis dillərində olmaqla, dünyanın bir çox dillərində yayılsın. Ermənistanda yaşayan ermənilərə xəbərdarlıq edilməlidir ki, Azərbaycan ərazisinə, Dağlıq Qarabağ istiqamətinə gəlməsinlər. Əgər bu müraciətdən sonra da gələcəklərsə, onda Azərbaycan Ordusunun istənilən nəqliyyat vasitəsini vurmasını Ermənistan “mülki obyektə hücum” kimi təqdim edə bilməyəcək”.

Tarix
2020.09.29 / 17:16
Müəllif
Axar.az
Şərhlər
Digər xəbərlər

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla