Axar.az
Yuxarı

Axar.Az Logo

Daha bir şura İlham Əliyevə məktub ünvanladı

Ana səhifə Gündəm
12 Punto 14 Punto 16 Punto 18 Punto

Azərbaycanda Rusiyalı həmvətənlərin ictimai təşkilatlarını Əlaqələndirmə Şurası Azərbaycan Respublikasının Prezidenti Ali Baş Komandan İlham Heydər oğlu Əliyevə məktub ünvanlayıb.

Axar.az xəbər verir ki, məktubda qeyd olunur:

"Azərbaycan torpaqlarının işğaldan azad edilməsi barədə Azərbaycandakı bütün xalqların arzusu gerçəkləşdi və ümidləri doğruldu. Düşmən məğlub edildi! Şanlı Azərbaycan Ordusu xalqımızın haqlı, obyektiv və güclü olduğunu döyüş meydanında sübut etdi.

Azərbaycanda Rusiyalı həmvətənlərin ictimai təşkilatlarını Əlaqələndirmə Şurasında birləşmiş ruslar, tatarlar, ləzgilər, avarlar, kazaklar azərbaycanlı gənclərlə çiyin-çiyinə bu Qələbəyə doğru getdilər, Vətən uğrunda canlarını belə əsirgəmədilər.

Ermənistanın beynəlxalq hüquq normalarına riayət edilməsi məsələlərində pozucu mövqeyi, mülki obyektləri və dinc əhalini ölümsaçan, dağıdıcı raketlərlə atəşə tutması bizi hiddətləndirməyə bilməzdi.

Məlumdur ki, erməni xalqı bütün səylərini gənclərin beynini zəhərləməyə, onlarda qonşulara nifrət hissi, “böyük Ermənistan” barədə sərsəm ideyalar aşılamağa yönəldən şovinist və mürtəce hakimiyyət qurumlarının ifrat millətçi təbliğatına məruz qalıb.

Hörmətli İlham Heydər oğlu, Siz Azərbaycan xalqının möhtərəm ümummilli lideri, öz xalqını, Vətənini ürəkdən sevən, onun firavanlığı üçün çox işlər görmüş Heydər Əliyevin layiqli davamçısısınız.

Bu gün Siz Heydər Əliyevin “Mən fəxr edirəm ki, mən azərbaycanlıyam!” kəlamını əsl vətənpərvər, döyüşçü, millətin Lideri, öz ölkəsinin vətəndaşı kimi qürur hissi ilə təkrar edə bilərsiniz.

Xalqımız üçün taleyüklü bir anda Siz onu vahid yumruq şəklində sıx birləşdirməyə nail oldunuz. Bu çətin dövrdə xanımınız, silahdaşınız, məsləkdaşınız, Azərbaycanın Birinci vitse-prezidenti hörmətli Mehriban xanım Əliyeva hər an Sizin yanınızdadır, Sizi və Azərbaycan xalqını dəstəkləyir, ölkənin xoşbəxt gələcəyinə ümid yaradır.

Hörmətli İlham Heydər oğlu, Sizin uzaqgörənliyiniz, diplomatik bacarığınız, Vətənin çoxsaylı gənc müdafiəçilərinin həyatını xilas etmək arzunuz qan tökülməsinə son qoydu, döyüş əməliyyatları dayandırıldı.

Lakin düşmən intriqalar və təxribatlar, yalan və saxtakarlıqlar sahəsində təcrübəli və məkrlidir.

Dünya birliyinin erməni faşizminin mahiyyətini başa düşməsi üçün Sizin necə titanik səy göstərdiyinizin şahidiyik. İnformasiya blokadası yarılıb. Azərbaycanın nə uğrunda döyüşdüyünü başa düşən, Azərbaycan xalqının çoxillik əzab-əziyyətləri barədə bütün həqiqəti anlayan siyasi və dövlət xadimlərinin sayı getdikcə artmaqdadır. Biz inanırıq ki, Ermənistanın gerçəklikdən uzaq illüziyaları içində tək-tənha qalacağı gün uzaq deyil.

Bu gün biz dinc quruculuq mərhələsinə keçirik. İnanırıq ki, çoxmillətli Azərbaycanın hər bir sakini ölkəmizin talan olunmuş, dağıdılmış, boş qalmış, amma işğaldan azad edilmiş ərazilərinin bərpasına və inkişafına öz töhfəsini verə bilər və verəcək.

Rusiyalı həmvətənlərin ictimai təşkilatları Vətənimiz Azərbaycanın firavanlaşması üçün zəruri olan hər cür kömək göstərməyə hazırdır.

Bu gün biz döyüş meydanlarında həlak olanlara görə birlikdə kədərlənirik, onların doğmalarına və yaxınlarına səmimi-qəlbdən başsağlığı veririk.

Bununla bərabər, biz Prezidentimiz, Ali Baş Komandan İlham Heydər oğlu Əliyevin rəhbərliyi ilə Qələbəni və sülhü bərqərar etmiş bütün Azərbaycan döyüşçülərinə təşəkkürümüzü bildiririk.

Yaşasın bizim çoxmillətli Azərbaycan xalqı!

Yaşasın sülh və Azərbaycanımızın rifahı!"

Tarix
2020.11.30 / 19:59
Müəllif
Axar.az
Şərhlər
Digər xəbərlər

Polkovnik Şuşa əməliyyatının bilinməyən tərəflərini açıqladı

Xankəndiyə qaytarılan ermənilərin son sayı

Səməd Seyidov AŞPA prezidenti ilə görüşdü - Foto

Ayvazyandan Zərifə gülünc çağırış: “qalib və məğlub”...

Bakı-Moskva-İrəvan işçi qrupu bu tarixdə görüşəcək

Ermənilər sayı yenə qaldırdı – “Hərrac” davam edir

Brayzadan önəmli mesajlar: ABŞ heç vaxt Qarabağı...

Yaponiya səfiri ASAN Xidmətdə - Foto

“Nar”dan onlayn təhsil alanlar üçün yeni internet paketi

Ermənilərin viran qoyduğu Xələfşə - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla