Rusiya faktoruna görə hazırda Qərblə ünsiyyətdə özünə müəyyən məhdudiyyətlər qoyan Ermənistanın iqtisadi durumu getdikcə daha da kritik həddə çatacaq.

Bu sözləri Axar.az-a açıqlamasında analitik Vüqar Zifəroğlu deyib. Onun sözlərinə görə, Rusiyada dərinləşən böhran Ermənistanı müflis edəcək:

"Ermənilər Rusiyadan bu dərəcədə siyasi və iqtisadi asılılığın onlar üçün yaxşı bir sonluqla nəticələnməyəcəyinin fərqindədirlər. Rusiya faktoruna görə hazırda Qərblə ünsiyyətdə özünə müəyyən məhdudiyyətlər qoyan Ermənistanın iqtisadi durumu getdikcə daha da kritik həddə çatacaq. Ölkənin bir xilası yolu var - o da işğal altındakı torpaqlarımızın dərhal boşaldılması və qonşu ölkələrlə normal münasibət sayəsində regiondakı iqtisadi layihələrdə iştirak hüququnun qazanılmasıdır. Çünki Rusiya hazırda öz problemlərinin məngənəsindədir və görünən odur ki, bundan sonra forpostuna havadarlıq edə bilməyəcək. Bu, ermənilər üçün həm şans, həm də bir iflas elanı hesab oluna bilər. Çünki artıq praqmatik davranmanın zamanı çatıb. Əks təqdirdə Rusiyadakı iqtisadi böhran nəinki Ermənistanı müflis edə, hətta xəritədən belə silə bilər".