Suriyada yaşananlardan dolayı Avropanın Ərdoğana daha çox ehtiyacı var.

Axar.az xəbər verir ki, bu sözləri "Qardian" qəzetinin yazarı Simon Tisdall öz məqaləsində qeyd edib.

Məqalə müəllifinin bildirdiyinə görə, Avropaya miqrant axını, İŞİD və Rusiyanın Suriyada fəaliyyəti nəticəsində Qərb Türkiyə Prezidenti Rəcəb Tayyib Ərdoğana daha çox ehtiyac duyur.

"Avropalı liderlər son illərdə Yeni Osmanlı siyasəti və avtoriat rejim bəhanəsi ilə Ərdoğanı təcrid etmişdilər. Lakin onun Brüsselə səfəri zamanı əsl həqiqəti gördülər və nə qədər yanıldıqlarının fərqinə vardılar. İŞİD terrorçularının fəaliyyəti və Rusiyanın Suriyadakı hərbi əməliyyatları Ərdoğana güvənməyin vacib olduğunu göstərdi. Avropanın əvvəllər olmadığı qədər Ərdoğana ehtiyacı var", - deyə məqalədə qeyd olunur.