Rusiyanın hava zərbələri nəticəsində 120 mindən çox suriyalı didərgin düşüb.

Axar.az Ria-ya istinadən xəbər verir ki, bu sözləri ABŞ Dövlət Departamentinin Avropa və Avrasiya işləri üzrə dövlət katibinin müavini Viktoriya Nuland deyib.

Xanım siyasətçinin sözlərinə görə, Rusiyanın hava zərbələri İŞİD-i deyil, yerli əhali və müxalifəti hədəf alır:

"Bu, danılmaz faktdır. Artıq hamıya məlumdur ki, Rusiyanın hava zərbələri İŞİD-i deyil, müxalifət və dinc əhalini hədəf alır. Son ayda Rusiyanın hava zərbələri reallaşdırdığı ərazilərdən 120 mindən çox suriyalı qaçqın düşüb. Moskva nə qədər bizi inandırmağa çalışsa da, fakt faktlığında qalır. Hava zərbələrinin məqsədi Əsədin itirdiyi mövqeləri geri qaytarmaqdır".