Ana səhifə Gündəm |
Beynəlxalq Qırmızı Xaç Komitəsi Ermənistan vətəndaşının noyabrın 8-də Azərbaycanın dövlət sərhədlərini pozması faktı ilə bağlı tərəflərin rəsmi bildirişini alıb.
Axar.az "Nyuz Ey Em"ə istinadən xəbər verir ki, bu haqda ilkin məlumatı Qırmızı Xaç Komitəsinin İrəvan nümayəndəliyinin kommunikasiya üzrə proqram rəhbəri Zara Amatuni yayıb.
Amatuninin sözlərinə görə, Qırmızı Xaç Komitəsinin Bakı nümayəndəliyinin əməkdaşları Ermənistan vətəndaşının təcili surətdə ziyarət edilməsi üçün Azərbaycan hakimiyyəti ilə dialoq aparacaq.
Qeyd edək ki, bu gün Azərbaycanın Müdafiə Nazirliyi Ermənistanın Noyemberyan rayonunun Şavarşavan kənd sakini, ilkin ehtimala görə 1942-ci il təvəllüdlü Lusine Qukasovna Abovyanın noyabrın 8-də Azərbaycan-Ermənistan dövlət sərhədini Qazax rayonu istiqamətində pozması və müdafiənin ön xəttində yerləşən Azərbaycan Silahlı Qüvvələrinin bölmələri tərəfindən saxlanılması barədə məlumat yayıb.
Verilən məlumata görə, saxlanılan Ermənistan vətəndaşına qarşı beynəlxalq hüquq normaları tərəfindən təsbit edilmiş qaydalar çərçivəsində davranılır. Həmçinin qeyd olunub ki, qısa müddətdə, müvafiq prosedurlar həyata keçirilməklə o, qarşı tərəfə təhvil veriləcək.
Tarix
2015.11.09 / 23:00
|
Müəllif
Rəfiqə Əlisəfa
|