Ana səhifə Gündəm |
Ərdəbildə tutulan bəzi azərbaycanlı fəallar öz yaxınları ilə görüşə biliblər.
Axar.az xəbər verir ki, bu barədə informasiyanı Güney Azərbaycan Milli Azadlıq Cəbhəsi yayıb. Təşkilat məhbusların öz yaxınları ilə görüşməsinə uzun çəkişmələrdən sonra Ərdəbil prokurorunun icazə verdiyini bildirib. Ailələrin məlumatına görə, hazırda məhbusların hər biri ayrı-ayrı kameralarda saxlanılır.
"Gunaz TV" isə azərbaycanlı məhbusların hər gün ETTELAAT əməkdaşları tərəfindən müxtəlif təzyiqlər altında dindirildiyi haqqında məlumat yayıb. Televiziya Rəhim Qulami, Əli Xeyrcu, Meysəm Colani, Tohid Əmir Əmini, Murtuza Pərvin, Mustafa Pərvin, Fərşid Piçqanlu, Səid Sadiqifər və Əli Vasiqinin çox ağır bir şəraitdə saxlanıldığı, müxtəlif psixi təzyiqlərə məruz qoyulduğunu bildirib.
Qeyd edək ki, noyabrın 9-dan etibarən Güney Azərbaycan şəhərlərində fars şovinizminə qarşı etiraz aksiyaları keçirilir. İndiyə qədər aksiyalarda həbs olunan şəxslərdən yalnız 129-nun adını müəyyən etmək mümkün olub.
Tarix
2015.11.18 / 15:08
|
Müəllif
İlkin Həsənov
|