Biz Serbiya və Bolqarıstan arasında interkonnektor tamamlandıqdan sonra bu boru kəməri vasitəsilə Azərbaycandan əlavə həcmdə qaz əldə etməkdə maraqlıyıq.

Axar.az Report-a istinadən xəbər verir ki, bunu Macarıstanın xarici işlər və ticarət naziri Peter Siyarto Budapeştdə Serbiyanın mədən və energetika naziri Dubravka Cedoviçlə görüşündən sonra deyib.

Peter Siyarto əlavə edib ki, Avropa Birliyi Cənub-Şərqi Avropada infrastrukturun tikintisi üçün maliyyə resursları təmin etməlidir. Avropanın qalan hissəsi alternativ enerji mənbələrinə çıxış əldə edəcək.

Çedoviç və Siyarto bu gün iki müqavilə imzalayıblar.

“Birinci razılaşma Macarıstan-Serbiya qaz kəmərinin tikintisinə aiddir və bu, xam neft tədarükünün daha çox təhlükəsizliyinə imkan verəcək”, - Dubravka Cedoviç deyib.

İkinci layihə “Sebiyagaz” və Macarıstanın “MVM” şirkətinə məxsus birgə müəssisənin yaradılması ilə bağlıdır.

Dubravka Cedoviç qeyd edib ki, Serbiya-Bolqarıstan qaz birləşdiricisinin tikintisi alternativ enerji mənbələrinə çıxış imkanıdır.

"Balkan axını" qaz kəmərinin tikintisi ilə Serbiya özünü mühüm tranzit ölkə kimi yerləşdirir və Serbiya-Bolqarıstan qaz birləşdiricisinin tikintisi ilə biz əlavə gücə, eləcə də alternativ enerji mənbələrinə çıxışa sahib olacağıq.

Cedoviç qeyd edib ki, Macarıstan Serbiya-Bolqarıstan interkonnektorundan hələ də istifadə edəcək.