Paşinyan görməlidir ki, onu qızışdırlanlar indi döyüş meydanlarında tək qoyublar.

Axar.az xəbər verir ki, bunu “Hürriyyət”ə açıqlamasında Türkiyə milli müdafiə naziri Yaşar Gülər deyib.

O bildirib ki, döyüş meydanında Azərbaycana qarşı hər məğlubiyyət Paşinyanın İrəvandakı mövqeyinin sarsılmasına səbəb olur.

Nazir həmçinin vurğulayıb ki, Paşinyan Zəngəzur dəhlizini böhran səbəbi deyil, fürsətə çevirsə, bundan həm Ermənistan, həm də özü qazanacaq:

“Əks halda, hər məğlubiyyətdən sonra İrəvan meydanlarını istefa şüarları ilə dolduran qəzəbli kütlə bir gün Paşinyanın devrilməsinə gətirib çıxara bilər”.