Ola bilsin, yaxın gələcəkdə sülhlə bağlı yaxşı xəbərlər eşidək.

Axar.az xəbər verir ki, bunu Ermənistanın xarici işlər naziri Ararat Mirzoyan bildirib.

Mirzoyan Bakıyla danışıqların aparılıb-aparılmadığı və əgər aparılırsa, Azərbaycanın ilkin şərtləri ilə bağlı sualı belə cavablandırıb:

“Əslində artıq hər şey deyilib, hazırda yeni bir məlumat yoxdur. Biz bir dəqiqə əvvəl necə məsləhətləşmələrə başlamağa hazır idiksə, indi də eyni şəkildə hazırıq. Təəssüf ki, Azərbaycan tərəfindən müxtəlif açıqlamalar eşidirik, hələlik irəliləyiş yoxdur, amma müzakirələr davam edir. Hər bir danışıqlarda olduğu kimi, gəlin səbirli olaq – ola bilsin, yaxın gələcəkdə yaxşı xəbərlər eşidəcəyik”.