Tailandda səfərdə olan millət vəkili Qənirə Paşayeva bu ölkədə yaşayan müsəlman icmasının rəsmiləri ilə görüşüb.

Axar.az xəbər verir ki, millət vəkili görüş zamanı Tailandda böyük müsəlman toplumunun yaşamasından məmun olduğunu deyib və Azərbaycanla bağlı geniş məlumatlar verib.

Q.Paşayeva həmçinin Ermənistanın işğalçılıq siyasəti ilə bağlı geniş söhbət açıb:

"1 milyon azərbaycanlının Ermənistanın işğalı nəticəsində öz yurd-yuvalarından qaçqın və məcburi köçkün düşüb. Dünyanın harasında yaşamasından asılı olmayaraq bütün müsəlmanlar və etnik kimliyi və dini inancından asılı olamayaraq ədalətin yanında olan insanlar Ermənistanın bu addımlarına laqeyd, seyrçi qalmamalı və buna qarşı öz etiraz səsini ucaltmalı, Xocalı Soyqırımını tanınması, bu dəhşətli cinayəti törədənlərin ədalət qarşısında cavab verməsi, azərbaycanlı qaçqın və məcburi köçkün qadınların öz ev-eşiklərinə dönməsi üçün səylərini artırmalıdırlar".

Tailandda Azərbaycan həqiqətlərinin daha da geniş şəkildə bilinməsinə və daha da geniş dəstəklənməsinə hər zaman böyük ehtiyac olduğu da qeyd edilib.

Qənirə Paşayeva Tailandın müsəlman icması rəsmisi Mayo Suttikanı və icma üzvlərini Azərbaycana dəvət edib.

İcması rəsmisi isə öz növbəsində Azərbaycan arasında əməkdaşlığın daha da inkişafı və Qarabağ həqiqətlərinin təbliğində bundan sonra səylərin artıracaqlarını bildirib.

Görüşün sonunda millət vəkili Tailand müsəlman icması rəhbərliyi və üzvlərinə Azərbaycan tarixi, ədəbiyyatı və mədəniyyəti ilə bağlı materiallar, tanınmış modelyer Gülnarə Xəlilovanın Azərbaycan mədəniyyətini özündə əks etdirən əl işini hədiyyə edib.