İran Prezidenti Məsud Pezeşkianın təyyarəsi Əlcəzairin “Huari Bumidin” Beynəlxalq Hava Limanına texniki eniş edib.

Axar.az xəbər verir ki, bu barədə Əlcəzairin dövlət televiziyası məlumat verib.

Məlumata görə, İran Prezidentini hava limanının fəxri salonunda Əlcəzairin daxili işlər, yerli icmalar və nəqliyyat naziri Səid Səyud, eləcə də xarici işlər nazirinin xaricdə yaşayan milli icma üzrə dövlət katibi Sufyan Şayib qarşılayıb.

Dövlət televiziyası təyyarənin Əlcəzairə hansı istiqamətdən gəldiyi və növbəti təyinat məntəqəsi barədə məlumat verməyib. Təyyarənin BMT Baş Assambleyasının iclasında iştirak etmək üçün Nyu Yorka uçduğu ehtimal edilir.

İran Prezidentinin Əlcəzairdə texniki dayanacağının müddəti və onun növbəti uçuşunun vaxtı barədə hələlik məlumat açıqlanmayıb.

Qeyd edək ki, İran Prezidenti Məsud Pezeşkian BMT Baş Assambleyasının növbəti sessiyasında iştirak etmək üçün ABŞ-a yola düşüb.