İstanbulun Sultanəhməd meydanında törədilmiş partlayış bizi dərindən sarsıtdı.

Bunu Axar.az-a açıqlamasında millət vəkili Adil Əliyev bildirib.

Millət vəkili bu hadisəni təəssüf hissilə qarşıladığını deyib:

"Qardaş Türkiyəni terror yolu ilə zəiflətmək istəyən qüvvələr buna nail ola bilməyəcəklər. Terrorun nə milləti, nə də vətəni olur. Türkiyə böyük dövlətdir və onun güclənməsini, böyüməsini istəməyən qüvvələr çoxdur. Bunun üçün bu çür dəhşətli hadisələrlə Türkiyədə vəziyyəti qarışdırmağa çalışırlar. Qardaş Türkiyəmizin yanındayıq. Terror hadisəsi zamanı həlak olan qardaş və bacılarımıza Allahdan rəhmət diləyirəm".