Ankarada baş verən terroru təkcə PYD-ninTürkiyənin anti-terror əməliyyatlarına bir cavabı olaraq qiymətləndirmək düzgün olmazdı.

Bu barədə analitik Vüqar Zifəroğlu Axar.az-a açıqlamasında bildirib. Onun sözlərinə görə, bəzi xarici qüvvələr Türkiyəni açıq şəkildə təhdid edirlər:

"Əslində, hadisənin üstüörtülü bir hədəfi də Türkiyəni Suriya bataqlığına çəkməkdir.Ankara buna gedərsə, ikinci Pakistana çevrilə bilər. Bu zaman onun "Əfqanıstan"ı da Suriya olacaq. Bu səbəbdən də istər daxildə, istərsə də xaricdə anti-terror əməliyyatlarının miqyasını artırmaqla qarşısına qoyduğu hədəfə çatmağı planlaşdıran Türkiyə açıq hərbi müdaxiləyə getmək kimi təhlükəli və riskli qərarlar verməz. Çünki belə olan halda Türkiyə qarşısına təkcə Suriyanın daxilində savaşan Əsədə bağlı qüvvələri deyil, eyni zamanda, İran və Rusiyanı almış olacaq. Bu isə onsuz da bölgədə mürəkkəb olan vəziyyəti daha çıxılmaz edə bilər".

Qeyd edək ki,17 fevralda Ankarada baş verən teraktda 28 nəfər ölüb, 61 nəfər isə yaralanıb.