Ana səhifə Gündəm |
İran hər zaman regional məsələlərin regiondaxili ölkələrin potensialından istifadə edərək həllinə təkid edib.
Axar.az xəbər verir ki, bu barədə Azərbaycan mediasına İran İslam Respublikasının Azərbaycan Respublikasındakı fövqəladə və səlahiyyətli səfiri Seyid Abbas Musəvi bildirib.
"Qərb ölkələrinin regiona müdaxilə təcrübəsi uğurlu hesab olunmur və regionda olan məsələlərin həllinə kömək etməyəcək, əksinə, məsələlərin mürəkkəbləşməsinə gətirib çıxaracaq. Çünki bu ölkələr öz maraqlarını təmin etməyə çalışır, region ölkələrin maraqlarını deyil.
İnanırıq ki, Cənubi Qafqaz ölkələri öz məsələlərini özləri həll etmək gücündədirlər. İran İslam Respublikası bu istiqamətdə iki və çoxtərəfli təmasları davam etdirir", - səfir deyib.
Qeyd edək ki, aprelin 5-də Ermənistanın Baş naziri Nikol Paşinyan, ABŞ Dövlət katibi Entoni Blinken və Avropa Komissiyasının sədri Ursula fon der Leyen arasında üçtərəfli görüş baş tutacaq. Ermənistanla təhlükəsizlik zəmanəti haqqında saziş imzalanacağı gözlənilir.
Tarix
2024.03.30 / 09:44
|
Müəllif
Axar.az
|