Axar.az
Yuxarı

Storm: "Xocalı vəhşəti insanlığa sığmır"

Ana səhifə Gündəm
12 Punto 14 Punto 16 Punto 18 Punto

Azərbaycanlıların Mədəniyyət Mərkəzinin (AMM) təşkilatçılığı ilə fevralın 26-da Gürcüstanın Kvemo-Kartli-Borçalı bölgəsinin azərbaycanlıların yığcam yaşadıqları Marneuli rayonunda Xocalı faciəsi qurbanlarının xatirəsi anılıb.

AzərTac xəbər verir ki, AMM-in gənclər şöbəsinin rəhbəri Nərgiz Əliyeva tədbiri açdıqdan sonra Xocalı soyqırımı qurbanlarının, eləcə də Azərbaycanın və Gürcüstanın azadlığı uğrunda şəhid olmuş qəhrəmanların xatirəsi bir dəqiqəlik sükutla yad olunub.

N.Əliyeva bildirib ki, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya ədalət!" kampaniyası çərçivəsində Gürcüstanda silsilə tədbirlər keçirilib. Bu tədbirlərdə Xocalı qətliamının səbəbləri, acı nəticələri barədə gürcü ictimaiyyətinin nümayəndələrinə ətraflı məlumat verilib. Təəssüflər olsun ki, yeni tariximizə qanlı hərflərlə yazılmış Xocalı soyqırımı barədə dünya ictimaiyyətinə hələ də tam məlumatlar çatdırılmayıb. Bunun üçün ilk növbədə gənclərimizin üzərinə də məsuliyyət düşür. Gənclər Xocalı barədə təbliğat xarakterli məlumatlar yaymalı, dünya birliyinin bu soyqırımına qiymət verilməsinə nail olmalıyıq. "Bizim əsas məqsədimiz yaşadığımız cəmiyyətdə bu həqiqətləri təbliğ edərək Xocalıya ədalət tələb etməkdir", - deyə N.Əliyeva vurğulayıb.

Azərbaycanın Gürcüstandakı səfirinin müavini Dursun Həsənov qeyd edib ki, "Xocalıya ədalət!" kampaniyası çərçivəsində səfirlik tərəfindən Gürcüstanın bölgələrində də anım tədbirləri, konfranslar, aksiyalar keçirilib. Xalqımız əsrin ən dəhşətli qətliamından biri ilə üzləşib, insanlarımızı milli mənsubiyyətinə görə amansızcasına qətlə yetiriliblər. Beynəlxalq təşkilatların, o cümlədən BMT-nin Azərbaycanın ərazi bütövlüyünü dəstəkləyən qətnamələri hələ də işğalçı dövlət tərəfindən yerinə yetirilmir və dünya birliyi buna göz yumur", - deyə D.Həsənov vurğulayıb.

Gürcüstan parlamentinin üzvü Mahir Dərziyev isə çıxışında Gürcüstanın da Azərbaycan ilə eyni taleyi yaşadığını xatırladıb və terroru, işğalçılığı lənətləyib. O, Gürcüstan xalqının azərbaycanlıların acısını dərk edərək bölüşdüyünü vurğulayıb.

Deputat Azər Suleymanov çıxışında qeyd edib ki, Xocalıda vəhşicəsinə öldürülən azyaşlı uşaqların sırasında Marneulidən olanlar da olub. A.Süleymanov Gürcüstan parlamentində də bu məsələlər haqqında söhbət aparıldığını bildirib.

Finlandiya Şərq Universitetinin doktorantı, əslən Amerika vətəndaşı olan xanım Karli Storm Xocalı haqqında əldə etdiyi məlumatların onu çox kədərləndirdiyini bildirib. Xocalıda dinc sakinlərin, xüsusən də uşaqların xüsusi qəddarlıqla qətlə yetirilməsinin, insanlara qarşı işgəncələrin verilməsi faktlarının onu kədərləndirdiyini qeyd edib. O, Xocalıda törədilənləri insanlığa sığmayan vəhşilik adlandırıb və bu hadisələrə dünya birliyi tərəfindən hüquqi qiymət veriləcəyinə ümid etdiyini vurğulayıb.

Digər çıxış edənlər ermənilərin Gürcüstanda və Azərbaycanda törətdikləri vəhşiliklər, terror və digər cinayətlər barədə fikirlərini bölüşüblər.

Sonda Muğanlı kənd orta məktəbinin şagirdləri Xocalı soyqırımı ilə bağlı kompozisiya göstəriblər, sənədli film nümayiş etdirilib.

Tarix
2016.02.26 / 19:30
Müəllif
Axar.az
Şərhlər
Digər xəbərlər

Ermənilərin sürüsü Azərbaycan ərazisinə keçdi

Paşinyan artıq cəsarətli açıqlamalar verir - Brayza

Vətən müharibəsi xronikası: 24 oktyabr

Alimlər qorxuda: Kosmosdan gələn sirli siqnal - Video

Ermənistan: millətçiliyin çoxsaylı təhlükələri - "Atlantico"

Prezidentin Zəngilandan diqqət çəkən şəkli yayıldı

Ceyhun Bayramov iranlı həmkarı ilə danışdı

Xüsusi təyinatlıların təlimi başa çatdı - Video

Türk Şurasında Qarabağ mövzusunda panel keçirildi

Bura Azərbaycanın Parisi olacaq

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla