Millət vəkili Qənirə Paşayevanın Kırşəhərdə Qarabağ parkı və Xocalı soyqırım abidəsi təklifi bələdiyyə başqanı tərəfindən dəstəklənib.

Axar.az xəbər verir ki, Kırşəhərdə konfrans verməyə gedən millət vəkili bələdiyyə başqanı Yaşar Bahçeci ilə görüşüb.

Görüş zamanı Qənirə Paşayeva bələdiyyə başçısı ilə Dağlıq Qarabağ problemi, Xocalı soyqırımı, qondarma erməni soyqırımı iddiaları ilə bağlı fikir mübadiləsi aparıb.

Yaşar Bahçeci Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini deyib. O, həmçinin qardaş bələdiyyələr məsələsi ilə bağlı addımlar atılacağını bildirib.

Bələdiyyə başçısına müəllifi olduğu "Qənirə Paşayeva ilə addım-addım Türk dünyası" kitabı barədə danışan millət vəkili kitabın növbəti hissələrində qədim Kırşəhərin də yer alacağını bildirib.

Görüşdə iştirak edən araşdırmaçı yazar İmdat Avşar da bir sıra təkliflərlə çıxış edib, qarşlıqlı olaraq geniş fikir mübadiləsi aparılıb.