Baş verən proseslər hər iki müttəfiq ölkənin vahid mövqedən çıxış etməsi zərurətini yaradır.

Bu sözləri Axar.az-a Yaxın Şərq üzrə analitik Vüqar Zifəroğlu Prezident İlham Əliyevin Türkiyə səfərini şərh edərkən deyib.

Ekspertin sözlərinə görə, səfərin baş verən proseslər fonunda ciddi əhəmiyyəti var:

"Türkiyə ilə Azərbaycan arasındakı Yüksək Səviyyəli Strateji Əməkdaşlıq Şurasının V iclasının Bakı əvəzinə Ankarada keçirilməsi təşəbbüsünün Azərbaycan prezidentindən gəlməsi faktiki olaraq Azərbaycanın bir qardaşlıq, həmrəylik addımı ataraq, istənilən halda Türkiyənin yanında olduğunu açıq şəkildə bütün dünyaya nümayiş etdirməsi deməkdir.

Bu, Azərbaycanın, ölkə başçısının Türkiyə ilə həmrəy olduğunu ən açıq şəkildə göstərən bir jestdir və bir daha bu iki ölkənin nə qədər bir-birinə yaxın və qardaş ölkə olduğunun ən bariz nümunəsidir. Səfərin baş verən proseslər fonunda çox ciddi əhəmiyyəti var".