Aprelin 2-də Mi-24 helikopterinin vurulması nəticəsində mayor Təbriz Musazadə, mayor Urfan Vəlizadə və baş leytenant Bəkir İsmayılov şəhid olub.

Axar.az qəhrəman şəhidlərimizin tərcümeyi-halını təqdim edir:

Mayor Təbriz Musazadə 1981-ci ildə Gürcüstanın Dmanisi rayonunun Yavuxlu kəndində anadan olub. O, 4-cü sinfi bitirənə qədər rayondakı rusdilli məktəbdə təhsil alıb. Daha sonra isə Bakıya gəlib və orta məktəbi burada bitirib.

O, 1996-1999-cu illərdə C.Naxçıvanski adına hərbi liseydə, 1999-2003-cü illərdə H.Əliyev adına Ali Hərbi Təyyarəçilik Məktəbində təhsil alıb.

Mayor rütbəsinədək yüksələn Təbriz Musazadənin iki oğlan övladı var.

***

Mayor Urfan Vəlizadə 1978-ci ildə anadan olub. O, Türkiyənin Hava Hərb Məktəbini bitirib.

Şəhid pilotun 1 və 8 yaşlarında iki qızı var.

***

Baş leytenant Bəkir İsmayılov isə Kürdəmir rayonundan hərbi xidmətə çağırılıb. Onun barəsində ətraflı məlumat yoxdur.

Qeyd edək ki, qəhrəman hərbçilərimiz bu gün II Şəhidlər Xiyabanında torpağa tapşırılıblar.