İranın Yol və Şəhərsalma Nazirliyinin Beynəlxalq Əlaqələr Mərkəzinin rəhbəri Əmin Tərfəin “Zəngəzur dəhlizinin hüquqi, siyasi, iqtisadi və geosiyasi aspektlərinə baxış” adlı tədbirdə çıxış edib.

Axar.az xəbər verir ki, çıxışdan bir hissə “Ekoiran” saytında yer alıb.

İran rəsmisi iddia edib ki, Zəngəzur dəhlizi termin kimi 2020-ci ildə müharibə zamanı ortaya atılıb. O, çıxışında bir an Zəngəzur əyalətinin Azərbaycana aid olmasını təhtəlşüuri olaraq dilə gətirsə də, daha sonra bu ifadəsini dəyişib və bölgənin Ermənistana məxsus olduğunu bildirib.

“Azərbaycan hərbi qüvvələri Zəngəzur bölgəsinə girməyə və oranı “işğal etməyə” çalışıb, ancaq İran bunun qarşısını alıb və Azərbaycan öz məqsədinə çata bilməyib”, - Əmin Tərfəin saxtakarlıqla iddia edib.