AŞPA-nın Azərbaycan üzrə həmməruzəçiləri Stefan Şennak, Sezar Florin Preda 15-17 iyun tarixlərində Azərbaycana faktaraşdırıcı səfər edəcəklər.

APA xəbər verir ki, səfər çərçivəsində həmməruzəçilərin Azərbaycan prezidenti İlham Əliyev, parlamentin spikeri Oqtay Əsədov, Baş prokuror Zakir Qaralov, Ədliyyə naziri Fikrət Məmmədov və MSK sədri Məzahir Pənahovla görüşləri gözlənilir.

Həmməruzəçilər həmçinin Azərbaycanın AŞPA-dakı nümayəndə heyəti, vətəndaş cəmiyyəti, media üzvləri, parlamentdən kənar partiya nümayəndələri və beynəlxalq icmalarla bir araya gələcəklər.

Qeyd edək ki, Belçikadan olan deputat Alan Destexhe və həmməruzəçilər 90-cı seçki dairəsinə keçirilən təkrar parlament seçkilərində beynəlxalq müşahidəçi kimi AŞPA-nı təmsil edəcəklər.