Qənirə Paşayeva Avropa Şurasının baş katibinə Suriya və İraq türkmanlarının çağırışını çatdırıb və onların taleyinə biganə qalmamağa səsləyib.

Axar.az xəbər verir ki, AŞ-nin baş katibi T.Yaqland AŞPA sessiyasında Liberal Qrupun toplantısında millət vəkillərinin suallarını cavablandırıb.

Deputat on minlərlə Suriya və İraq türkmanının çox böyük faciələrlə üz-üzə olduğunu diqqətə çatdırıb:

"Onlar AŞPA, Avropa qurumları və ölkələrindən daha çox dəstək gözləyirlər. Mən sizi İraq və Suriya türkmanlarına dəstəyə çağırıram. İnsanları köçkün salan səbəblərlə mübarizə aparmadan ortaya çıxan ağır vəziyyəti önləmək mümkün deyil. Bu səbəblərlə mübarizə sərt olmalıdır".

T.Yaqland Q.Paşayevanın fikirləri ilə razılaşıb və deyib ki, AŞ baş katibi təşkilat rəsmisi kimi bu məsələlərlə bağlı səylərini daha da artıracaq.