Uzun müddətdir ki, ağır xəstəlikdən əziyyət çəkən aşıq Azər Xanlaroğlu bu gün əməliyyat olunacaq.

Musavat.com xəbər verir ki, bu barədə onun yaxın dostları sosial şəbəkədə məlumat paylaşıb.

Şair Ehtiram İlham bildirib ki, gənc aşıq Türkiyənin İstanbul şəhərində, Türkiyə vaxtı ilə saat 14:00-da əməliyyata girəcək.

Qeyd edək ki, 33 yaşlı aşıq Azər Xanlaroğlu 3 ildir ki, hepatit xəstəliyindən əziyyət çəkir. Onun ayağında şiş – fil xəstəliyi var. Eyni zamanda aşığın qaraciyəri dəyişdirilməlidir. Sosial şəbəkələrdə onun ilk əməliyyatına görə tələb olunan 15 min dollar üçün yardım kampaniyası başladılmışdı.