Şiələrin əzadarlığını əks etdirən və müəyyən müzakirələrə səbəb olan videodan sonra sosial şəbəkələrdə əzadarlıqla bağlı yayılan videoların sayı artıb.

Kult.az xəbər verir ki, son bir neçə gündür İranda lentə alınan və Ayətullah Xameneinin də olduğu mərasim sosial şəbəkə istifadəçiləri tərəfindən müzakirə edilir.

Videoda İran siyasilərinin də yer aldığı mərasimdə bir şəxsin qəribə hərəkətlər edərək mərsiyə dediyi əks olunub. Müzakirələrə səbəb də məhz mərsiyə deyən şəxsin etdiyi hərəkətlərdir.

Çoxunun həqiqət kimi qəbul edib, şiələrə qarşı istifadə etdiyi videonun əslində montaj olduğu isə hələ ötən il, o videonun yayılmasından sonra ortaya çıxmışdı. Videonun bir neçə yerində “montaj xətaları”na rast gəlmək mümkündür. Xüsusilə videonun 1:08-ci dəqiqəsində mərsiyə deyən şəxsin ayağının taxtın "içinə girməsi" görüntülərin saxta olduğunu ələ verir.

İlahiyyatçıların video ilə bağlı sözlərinə görə, görüntülərdə qeyri-adi hərəkətlər edən şəxsin ifa etdiyi mərsiyədir və mərsiyədə həmin hərəkətlər edilməz.